ঈশ্বৰ

                                       ঈশ্বৰ

নিচিনো তোমাক           ক'ত আছা প্ৰভু

               আমি অতি সৰু ল'ৰা ,

চিঞৰি চিঞৰি           মাতিলে তোমাক 

             নামাতা দূৰৈৰ পৰা ।

নাজানো তোমাক            মিনতি কৰিব

             আমি অতি সৰু ল'ৰা ,

আছা নেকি প্ৰভু            সৰগত তুমি

              হই জোন - বেলি - তৰা ।

নুবুজোঁ তোমাৰ         মৰমৰ মাত 

                আমি অতি সৰু ল'ৰা,

ৰিণিকি ৰিণিকি            সুৰ এটি আহে 

              জানো কৰবাৰ পৰা |

তথাপি তোমাক           ভাল পাওঁ প্ৰভু

                আমি অতি সৰু ল'ৰা ,

তোমাৰ চেনেহ            দয়াৰে আমাৰ 

                বুকুখনি থাকে ভৰা ।

নোৱাৰো বুজিব          তোমাৰ মহিমা

                আমি অতি সৰু ল'ৰা ,

বিলোৱা হিয়াত           মৰম জেউতি 

                নিতে আঁতৰৰ পৰা।

শব্দ অর্থ :

 মিনতি: প্রার্থনা , নম্র অনুৰোধ (a humble prayer)

সৰগঃ স্বৰ্গ (heaven)

ৰিণিকি ৰিনিকিঃ অলপ অলপকৈ, অস্পষ্টকৈ (indistinctly)

মহিমা: মহত্ত্ব (greatness)

দয়া: কৃপা ( Kindnees)

জেউতি: জ্যোতি, পোহৰ (light)

অনুশীলনী: 

১/ উত্তৰ লিখা |

 (ক) সৰু ল'ৰাবোৰে ঈশ্বৰক   কেনেদৰে  মাতে ?

উত্তৰ: সৰু  ল'ৰাবোৰে ঈশ্বৰক চিঞৰি চিঞৰি মাতে |

( খ ) ঈশ্বৰ সৰগত কি হৈ আছে বুলি  সুধিছে ?

উত্তৰঃ ঈশ্বৰ সৰগত জোন - বেলি - তৰা হৈ আছে ।

( গ )   সকলোৰে  হিয়াত কি বিলাবলৈ ঈশ্বৰক অনুৰোধ কৰিছে  ?

উত্তৰঃ সকলোৰে হিয়াত মৰমৰ জেউিতি বিলাবলৈ ঈশ্বৰক অনুৰোধ কৰিছে ।

2/ খালী ঠাই পূৰ কৰা |

(ক)নাজানো তোমাক         _____  কৰিব

             আমি অতি সৰু ল'ৰা ,

আছা নেকি _____            ______ তুমি

              হই জোন - _____ - তৰা ।

উত্তৰঃ 

নাজানো তোমাক            মিনতি কৰিব

             আমি অতি সৰু ল'ৰা ,

আছা নেকি প্ৰভু             সৰগত তুমি

              হই জোন - বেলি - তৰা ।

(খ)নোৱাৰো বুজিব        তোমাৰ _____

                আমি অতি _____ ল'ৰা ,

বিলোৱা ______         মৰম ______

                নিতে ______ পৰা।

উত্তৰঃ

নোৱাৰো বুজিব            তোমাৰ মহিমা

                আমি অতি সৰু ল'ৰা ,

বিলোৱা হিয়াত            মৰম জেউতি 

                নিতে আঁতৰৰ পৰা।

৩/ বাক্য ৰচনা কৰা ।

চিঞৰি চিঞৰি : সি মাকক চিঞৰি চিঞৰি মাতিছে |

ৰিণিকি ৰিণিকিঃ ৰিণিকি ৰিণিকি সুৰ ভাহি  আহিছে |

দয়া: দুখীয়াক দয়া কৰিবা |

তৰা: ৰাতিৰ আকাশত অগণন তৰা দেখিবলৈ পোৱা যায় |

জেউতি: আমি সকলোৰে হিয়াত মৰম জেউতি বিলাব লাগে |

মিনতি : আমি সকলোৰে মংগলৰ  কাৰণে ভগৱানক মিনতি কৰো |

৪/ ঈশ্বৰ কবিতাৰ এই কেইশাৰী বাক্য তোমাৰ নিজৰ ভাষাৰে ব্যাখ্যা কৰা | 

নাজানো তোমাক            মিনতি কৰিব

             আমি অতি সৰু ল'ৰা ,

আছা নেকি প্ৰভু            সৰগত তুমি

              হই জোন - বেলি - তৰা ।

উত্তৰঃ "নাজানো তোমাক            মিনতি কৰিব

             আমি অতি সৰু ল'ৰা ,

আছা নেকি প্ৰভু            সৰগত তুমি

              হই জোন - বেলি - তৰা ।"

ঈশ্বৰ কবিতাৰ এই বাক্য কেইশাৰীৰ যোগেদি ইয়াকে বুজাব বিচৰা হৈছে যে আমি সৰু ল'ৰাবোৰে কেতিয়াও চকুৰে নেদেখা ঈশ্বৰক কেনেকে মিনতি  কৰিম নাজানো | ঈশ্বৰ ক'ত আছে আমি নাজানো| সেয়েহে সৰু ল'ৰাবোৰে সুধিছে যে ঈশ্বৰ সৰগত জোন - বেলি - তৰা হৈ আছে নেকি সুধিছে |

৫/ ঈশ্বৰ কবিতাটোৰ কবি গৰাকীৰ বিষয়ে লিখা |

উত্তৰঃ কবি ৰঘুনাথ চৌধাৰীৰ জন্ম হৈছিল ১৮৭৯ চনত | দহিকতৰা, কেতেকী , সাদৰী আদি কবিতা সংকলন আৰু নৱমল্লিকা নামৰ গদ্য সংকলন তেখেতৰ সৃষ্টি৷ তেখেতৰ বেছিভাগ কবিতাই চৰাই বিষয়ক | বিহগ মানে চৰাই৷ সেয়ে তেখেতক বিহগী কবি হিচাপে আখ্যা দিয়া হয়৷

৬/ কবিতাটোত কিছুমান শব্দ মন কৰিবা | নিচিনো নাজানো আদি | এনেধৰণৰ শব্দই কোনো কাম কৰিব নোৱাৰা বা নোহোৱা বুজায়৷  কবিতাটোৰ পৰা তলৰ শব্দবোৰৰ বিপৰীত শব্দ লিখা।

উত্তৰঃ

চিনো - নিচিনো

বুজোঁ - নুবুজোঁ

মাতা - নামাতা

জানো - নাজানো 

পাৰোঁ - নোৱাৰো