ভাৰতৰ ভূগোল

                                                               ভাৰতৰ ভূগোল

প্ৰশ্ন:  উত্তৰ ভাৰতৰ নদী আৰু দক্ষিণ ভাৰতৰ নদীৰ মাজত কি পাৰ্থক্য আছে?

উত্তৰঃ উত্তৰ ভাৰতৰ নদী আৰু দক্ষিণ ভাৰতৰ নদীৰ মাজত পাৰ্থক্য হ’ল-

(ক) উত্তৰ ভাৰতৰ নদীবোৰ বৰফেৰে আবৃত ওখ পাহাৰৰ পৰা ওলাই অহাৰ বাবে বছৰটোৰ ভিতৰতে পানীৰ সোঁত থাকে। কিন্তু দক্ষিণ ভাৰতৰ নদীসমূহ সাধাৰণতে তুলনামূলকভাৱে কম উচ্চতাৰ পাহাৰ আৰু মালভূমিৰ পৰা উৎপত্তি হয় আৰু সেয়েহে শীতকালত ইহঁত ক্ষীণ হৈ পৰে।

খ) উত্তৰ ভাৰতীয় নদীত নদীৰ তিনিটা ধাৰা -উচ্চ পথ ,মধ্য পথ আৰু নিম্ন পথ সুকীয়াকৈ দেখা যায় যদিও দক্ষিণ ভাৰতীয় নদীৰ ক্ষেত্ৰত এইবোৰ ইমান সুকীয়া নহয়।

গ) উত্তৰ ভাৰতীয় নদীৰ উপত্যকা বহল যদিও দক্ষিণ ভাৰতীয় নদীৰ উপত্যকা তুলনামূলকভাৱে সংকীৰ্ণ।

ঘ) দক্ষিণ ভাৰতৰ নদীবোৰ পুৰণি ৷আনহাতে উত্তৰ ভাৰতৰ নদীবোৰ তুলনামূলকভাৱে কম।

(ঙ) উত্তৰ ভাৰতৰ নদীবোৰ দ্ৰুত বৈ যোৱা নদী নহয় আৰু ইহঁতে অধিক পলসৰ বোজা কঢ়িয়াই লৈ ফুৰে। গতিকে, এই নদীবোৰ জলবিদ্যুৎ উৎপাদনৰ বাবে ইমান উপযোগী নহয়। কিন্তু দক্ষিণ ভাৰতৰ নদীসমূহ দ্ৰুত বৈ যোৱা নদী আৰু ইহঁতে কম পৰিমাণৰ পলসৰ বোজা কঢ়িয়াই লৈ ফুৰে, সেয়েহে এই নদীসমূহ জলবিদ্যুৎ উৎপাদনৰ বাবে অতি উপযোগী।

(চ) উত্তৰ ভাৰতৰ নদীসমূহৰ উৰ্বৰ উপত্যকা আছে আৰু সেয়েহে, এইবোৰ ঘন জনবসতিপূৰ্ণ, আনহাতে দক্ষিণ ভাৰতীয় নদীৰ উপত্যকাসমূহ তুলনামূলকভাৱে কম উৰ্বৰ আৰু সেয়েহে তাত জনসংখ্যাৰ ঘনত্ব ইমান বেছি নহয়।

(ছ) উত্তৰ ভাৰতৰ নদীসমূহ যাতায়তযোগ্য হোৱাৰ বাবে বহু চহৰ ইয়াৰ পাৰত গজি উঠিছে। আনহাতে, দক্ষিণ ভাৰতৰ নদীবোৰ যাতায়ত কৰিব পৰা নহয় আৰু সেয়েহে, বহু বৃহৎ চহৰ ইয়াৰ পাৰত গজি উঠা দেখা নাযায়।

(জ) উত্তৰ ভাৰতৰ নদীসমূহ সাধাৰণতে দীঘল আৰু ইয়াৰ মুখত বৃহৎ বদ্বীপ গঠন হয়। কিন্তু দক্ষিণ ভাৰতৰ নদীসমূহ তুলনামূলকভাৱে চুটি আৰু কম সংখ্যক নদীৰ মুখত ডেল্টা থাকে।