অমৰ বাণী
১) যি কোনো জাতিৰ ভাগ্য নিৰ্ভৰ কৰে সেই জাতিৰ পঁছিশ বছৰতকৈ কম বয়সৰ ডেকা-গাভৰুৰ মতামত আৰু ভাৱ চিন্তাৰ ওপৰত।
- গ্যেটে
২) শিকিবলৈ ইচ্ছা নকৰাটো যিমান লাজৰ কথা নজনাটো সিমান নহয়।
--------বেঞ্জামিন ফ্রেঙ্কলিন
৩) তুমি তোমাৰ জীৱন যাত্ৰাৰ কাৰ্যক্ৰম বিলাক আগতে স্থিৰ কৰি লোৱা দেখিবা এসময়ত সিয়েই তোমাক মানুহ কৰি তুলিব।
------ বেনেডিক্ট
৪) সজ চিন্তাশীল মানুহ কেতিয়াও নিসন্দ্ব নহয়।
------ চাৰ ফিলিপ চিডনী
৫) পাপীয়ে সদায় পোহৰলৈ ভয় কৰে কিয়নো জানোচা পোহৰত তাৰ স্বৰূপ প্রকাশ পায়। কিন্তু পূণ্যবাণ এজনৰ এই ভয় ভাৱ নাই, তেওঁৰ সদায় পোহৰলৈহে ধাউতি।
– যীশুখ্রীষ্ট
৬) যেতিয়া এটা জাতিয়ে দেখা দেখিকৈ ইশ্বৰক পিঠি দি সাংসাৰিক সুখ উন্নতিত লিপ্ত থাকে তেতিয়াই ধ্বংসৰ মুখত পৰে।
– ৰাধাকৃষ্ণন
৭) শস্যক্ষেত্ৰত যেনেকৈ হালোৱাই গৰুক আগুৱাই যাৱলৈ খুচি দিয়ে কাৰ্যক্ষেত্ৰটো সেইদৰে দৃষ্টান্তই মানুহৰ্ মনক উদ্গতিৰ পথত আগুৱাই যাবলৈ খুচি দিয়ে।
– সত্যনাথ বৰা
৮) নিজৰ দেশক ভাল পাবলৈ হলে জাতিভেদ পাহৰিব লাগিব অথবা সন্দেহ আৰু ভয় ত্যাগ কৰিব লাগিব৷ প্ৰেম, মিলন আৰু জ্ঞান এই তিনিটাক সাৱটি ধৰিব লাগিব৷
------সত্য দাস
৯) অসত্যতাৰ প্ৰতিমুহুর্ততেই হতাশা আছে।
- কালাইল
১০) আমি আমাৰ দেশখনক কঠোৰ পৰিশ্ৰমেৰেহে গঢ়িব পাৰিম শ্লোগানেৰে নহয়।
------ ড° ৰাধাকৃষ্ণন
১১)যি শিক্ষাই নিজক আনৰ হাতত বেচিবলৈ শিকায় তেনে শিক্ষাৰে শিক্ষিত হোৱাতকৈ জধামুৰ্খ হোৱা বহুগুণে ভাল।
-------হেম বৰুৱা
১২) কালিৰ কথাত শোক কৰি থাকিলে আজিও হেৰাব। বৰ্ত্তমানৰ সদব্যৱহাৰ কৰা ।
----- লক্ষ্মীনাথ বেজবৰুৱা ।
১৩) শ্রমিক কৃষকৰ হাত বোকামাটিৰে অপৰিস্কাৰ হলেও ভৰি ধুলি-বালিৰে মলিয়ন হলেও, তেওঁলোকহে সবাতকৈ পৰিচ্ছন্ন মানুহ।
------- মাও জে দং
১৪) বিপ্লৱীয়ে সদায় জীৱনৰ অতি তিক্ততম সংকটৰ মুখামুখি হ’বলৈও মানসিকভাৱে প্ৰস্তুত থকা প্রয়োজন।
------ - ফিডেল ক্রাষ্টো
১৫) জীৱনৰ অন্তিম মূহুৰ্তলৈকে সাহস, দৃঢ়তা আৰু বলিষ্ঠতাৰে বিপ্লৱক পৰিচালিত কৰি আগুৱাই যোৱাটোৱেই এজন বিপ্লৱীৰ একমাত্র লক্ষ্য হোৱা উচিত।
--------- চেগুৱেভাৰা
১৬) পৃথিৱীত অবিৰাম কাম কৰি যোৱা কিন্তু নিজকে বান্ধ নোখোৱাবা কাৰণ বন্ধন বিষাত্মক।
---------- স্বামী বিবেকানন্দ
১৭) নিজৰ পত্নী আৰু লগুৱাৰ দৃষ্টিত কোনো মানুহেই বীৰ নহয় ৷
--------- মণ্টেইন
১৮) যি মানুহে অকলে সমগ্র পৃথিৱীৰ বিৰুদ্ধে থিয় হ’ব পাৰে, তেওঁকহে মই প্রকৃত বীৰ বুলি কওঁ।
--------- হেনৰিক ইবচেন
১৯) অসৎ উদ্দেশ্যৰে কোৱা এটা সঁচা কথা মানুহে সৃষ্টি কৰা সকলো মিছা কথাতকৈ ভয়ঙ্কৰ।
--------- উইলিয়াম ব্লেক
২০) ভাগ্যই সেই সকলকহে সহায় কৰে যি সকলৰ ভাল বিচাৰ বুদ্ধি আছে।
------- ইউৰি পাইডিছ
২১) কোনো কামত ভৱিষ্যত নাই। ভৱিষ্যত নিৰ্ভৰ কৰে কামত লাগি থকা মানুহজনৰ ওপৰত৷
--------- ড° জি, ডব্লিউ, ক্ৰেৰণ
২২) যাৰ লগত সত্য, দান, আক্রোশ, ক্ৰুৰতাপূৰ্ণ আচৰণ নকৰা ভাৱ, লজ্জা, দয়া আৰু তপ – এই সদগুণবোৰ থাকে, তেওঁক ব্রাহ্মণ বোলা হয়।
---------- ভৃগুমুণি
২৩) ভয়ৰ জৰিয়তে জন্ম হোৱা ভক্তি কচুপাতৰ পানীৰ দৰে খন্তেকীয়া।
---------- হেম বৰুৱা
২৪) যি তলত আছে তাৰ পৰি যোৱাৰ ভয় নাই।
------------ বুলিয়ান
২৫) প্ৰেমলৈ ভয় কৰাৰ অৰ্থ হ'ল জীৱনলৈ ভয় কৰা। যিসকলে জীৱনলৈ ভয় কৰে তেওঁলোকক জীৱিত কালতে বহুলাংশে মৃত বুলি আখ্যা দিব পাৰি।
-------- আঁদ্রে জিদ
২৬) বেয়া কামৰ বাহিৰে মই আন একোলৈকে ভয় নকৰো।
-------- ষ্টার্ণ
.jpeg)
0 Comments
Comment